فريقين، ولوحة، وليلة كاملة
تختارون ستة مواضيع، وتنقسمون فريقين، وواحد منكم يصير المقدّم. كل سؤال بيه نقاط — 200 أو 400 أو 600 — والفريق اللي يجمع أكثر يفوز. ماكو تحميل، وماكو تسجيل: تفتح الرابط وتبدون.
تلفونك بإيدك، واللعبة على الشاشة
اعرض شاشة تلفونك على التلفزيون: اللوحة تصير قدّام الكل، والتلفون يبقى بيد المقدّم — هو الي يخلي علامات الصح والخطأ للفريقين بعد اتفاق الجميع.
- 1تأكد التلفون والتلفزيون على نفس شبكة الواي فاي
- 2اسحب من فوق الشاشة للأسفل مرتين حتى تفتح لوحة الإعدادات السريعة
- 3اضغط «Smart View» بسامسونگ، أو «بث الشاشة / Cast» بباقي الأجهزة
- 4اختار تلفزيونك من القائمة، وإذا طلب تأكيد اضغط «ابدأ الآن»
- 5للإيقاف: نفس الزر ← «قطع الاتصال»
وإذا ماكو تلفزيون؟ التلفون يكفي.
حصيرة تجمع، وسؤال يفرّق
ثمانية بالبيت، من 6 سنين لـ80.
أسئلة الـ200 تلحقها لولو، والـ600 يتعاركون عليها الكبار.
كل فريق يختار 4 قدرات من 6
تختارونها قبل ما تبدي المباراة، وكل وحدة تنصرف مرة واحدة بس. هنا يصير الفرق بين فريق يلعب وفريق يخطّط.
تعلنها قبل ما ينكشف السؤال — جاوبت صح، ناخذ ضعف النقاط. 600 تصير 1200.
الخصم ما يجاوب هالسؤال أبداً. جاوبت صح، تاخذ النقاط ويطيح مثلها منه.
تختارون لاعب من الفريق الثاني يقعد بره هالسؤال — يرجع بالسؤال اللي بعده.
دقيقة كاملة تنضاف للوقت الباقي على السؤال الحالي.
تگدرون تگولون جوابين على هالسؤال — واحد منهم صح يكفي.
هالسؤال ينلغى وييجي بديل بنفس الفئة ونفس الطبقة — بلا نقاط.
15,574 سؤال، مكتوبين واحد واحد
موزّعين على 160 موضوع، وكل سؤال مرّ بسبع بوابات تدقيق قبل أن يصل إليك: إجابة واحدة صحيحة لا غير، ولا تكرار، ولا سؤال يعرفه أي أحد من أول ثانية. هذا ما يجعل اللعبة تستحق.
قطع النت؟ اللعبة ما توقف.
أول ما تنزل، تلعب بلا إنترنت. الانقطاع ما يوقف الجولة ولا يخرب الكعدة — وهذا مو خيار، هذا مبني بأساس اللعبة.
انكتبت وانرسمت بالبصرة.
تدفع مرة واحدة، وتبقى لك
لا اشتراكات، ولا شيء يتجدد تلقائياً. الشروط
