سياسة الخصوصية

آخر تحديث: 4 تشرين الأول 2026

مين إحنا

حصيرة لعبة أسئلة عربية تُلعب بين فريقين، على الموقع haseera.app. هذي الصفحة تشرح بالضبط شنو نجمع، وشنو ما نجمع، وليش.

شنو نجمع

بريدك الإلكتروني — إذا سجّلت دخول. هذا كل شي نطلبه للحساب: ما نطلب اسمك الكامل ولا رقم تلفونك. البريد هو اللي يخلي ألعابك وسجلك يمشون وياك من جهاز لجهاز.
اسم العرض والدولة — اختياريان تماماً. تكدر تتركهم فارغين وتلعب عادي.
بيانات اللعب — أي سؤال انعرض، وهل انجاوب صح لو غلط، وكم ثانية أخذ، وهل انستخدمت وسيلة مساعدة. هذي نستعملها لمعايرة صعوبة الأسئلة. ما مربوطة بيك: السجل ما بيه أي معرّف للمستخدم إطلاقاً — مربوط بالمباراة نفسها، مو بالشخص.
سجل مبارياتك — حتى تكدر تشوف «حسابي» ونعرف الأسئلة اللي مرّت عليك فما تنعاد.
تخزين محلي على جهازك — حالة اللعبة والإعدادات تنحفظ بمتصفحك، حتى تشتغل اللعبة بلا إنترنت. هذي ما تطلع من جهازك إلا إذا سجّلت دخول.
من وين وصلتنا — إذا فتحت رابط أو كود QR بيه علامة حملة (مثلاً src=cafe)، نخزن هاي العلامة بمتصفحك 30 يوم حتى نعرف أي إعلان جاب لاعبين. هاي علامة حملة، مو رقم يخصك — كل الناس اللي جوا من نفس الكود عندهم نفس العلامة، وتنمسح لحالها بعد 30 يوم. ولما تبدي مباراة، توصلنا العلامة نفسها حتى نعرف أي حملة جابت لعب فعلي — بلا اسمك ولا حسابك ولا رقم جهازك، بس العلامة والوقت.
بكسل فيسبوك (Meta Pixel) — ونكولها صريحة. إعلاناتنا على فيسبوك وإنستغرام، والبكسل هو اللي يخلينا نعرف أي إعلان جاب لاعبين فعلاً، حتى ما نصرف فلوس على إعلان ما ينفع. يعني بصراحة: Meta تعرف إنك زرت موقعنا، ويتحط بجهازك كوكي اسمه _fbp، وهاي الأداة تتبعك لمواقع ثانية — هذاشغل أي بكسل إعلاني، وما نريد نخبيه بكلام حلو. ونعلمهم بثلاث لحظات بعد: إذا بدت مباراة، وإذا فتحت صفحة الدفع، وإذا صارت عملية شراء — ويّا مبلغها، حتى نعرف أي إعلان يستاهل فلوسه. ما نرسللهم اسمك ولا إيميلك ولا أسئلتك ولا نتيجة مباراتك. وإذا ما تريده: تكدر تكتله من إعدادات الإعلانات بحسابك بفيسبوك أو إنستغرام، أو بأي مانع إعلانات — واللعبة تشتغل عادي بدونه.
المحافظة والمدينة التقريبية — لما تبدي مباراة، نسجّل من أي محافظة بدت (مثلاً البصرة أو نينوى)، حتى نعرف وين اللعبة ماشية ووين لازم نوصل. هاي تجي من الإنترنت اللي تستعمله، مو من موقع جهازك، وهي تقريبية — شبكة الموبايل أحياناً تخلي مباراة من البصرة تنحسب بغداد. وما مربوطة بيك: السجل ما بيه اسمك ولا حسابك ولا رقم جهازك ولا عنوان الآي بي — بس المكان والوقت، بلا أي شي يربطهم بشخص.

تكدر تلعب بلا حساب

تكدر تفتح اللعبة وتلعب بدون ما تسجّل أي شي. الحساب يفيدك بشي واحد: يخلي ألعابك وسجلك يتبعونك لو غيّرت جهاز.

شنو ما نجمع — أبداً

ما نوصل لموقع جهازك (GPS)، ولا للكاميرا، ولا للمايك. المتصفح نفسه يمنعهم عن موقعنا. نعرف بس المحافظة والمدينة التقريبية من الإنترنت اللي تستعمله — مشروح فوق بـ«شنو نجمع».
ما نوصل لجهات اتصالك ولا لصورك.
ماكو أي أداة تتبع إعلاني غير بكسل فيسبوك. ماكو Google Analytics، ماكو تيك توك. البكسل الوحيد اللي عدنا مشروح كامل فوق بـ«شنو نجمع» — وهو الوحيد.
نعدّ الزيارات وخطوات اللعب. نستعمل Vercel Analytics حتى نعرف شكد ناس زارت الموقع ومن وين وصلوا (مثلاً من إنستغرام أو تيك توك أو من كود QR)، وشكد واحد فتح اللعبة أو بدا مباراة أو فتح السوق. هذي الأداة ماكو بيها كوكيز، وماكو رقم يلاحقك بين الزيارات، وماكو شي يتبعك لمواقع ثانية. البكسل مالت فيسبوك شي ثاني — مشروح فوق بـ«شنو نجمع»، وهو الوحيد اللي يسوي هالشغلات.
وعدّاد ثاني مالنا نحن، يشتغل ويّا Vercel Analytics. نسجّل بسيرفراتنا نفسها: اسم الحدث (مثلاً فتح الصفحة أو بدا مباراة)، والصفحة، واسم الموقع اللي وصلت منه (الاسم بس، مو الرابط الكامل)، والدولة، ونوع الجهاز ونظامه والمتصفح، ورمز يتغيّر كل يوم. هذا الرمز ما يرجع لعنوانك (IP) ولا ينربط بحسابك أو باسمك، والعنوان نفسه ما ينخزّن. ماكو بهذا العدّاد كوكيز، وكل سجل ينحذف بعد 90 يوم، وبس المجاميع اليومية تبقى، وهي أعداد ما بيها أي رمز.
وهاي الأرقام ما بيها أسماء. اللي ينحسب هو: من وين وصلت، وكم لاعب على الطاولة، وكم ثانية استغرق التحميل، وأي باقة انضغطت، وشكد استغرقت الصفحة حتى تفتح على جهازك. ما ننقل أسماء اللاعبين، ولا الإيميلات، ولا الأسئلة، ولا أجوبتكم، ولا نتيجة المباراة.
ما نشوف معلومات بطاقتك ولا نخزنها. الدفع يصير على صفحة مزوّد الدفع نفسها، واحنا نستلم بس «انصرفت» أو «ما انصرفت».
ما نبيع بياناتك. لا لأحد، ولا لأي سبب.

ليش نجمعها

لتشغيل اللعبة، ولحساب ألعابك المتبقية، ولمنع تكرار نفس السؤال عليك، ولمعايرة صعوبة الأسئلة حتى تصير اللعبة أعدل — ولنعرف أي إعلان أو منشور جاب لاعبين، حتى ما نصرف على شي ما ينفع. ما نستعملها لأي غرض ثاني.

منو يشوفها غيرنا

الخدمات اللي تشغّل اللعبة، وكل واحدة لغرض واحد محدد — وواحدة زيادة للإعلانات، مفصولة بالآخر حتى تكون واضحة:

Supabase — قاعدة البيانات وتسجيل الدخول.
Vercel — استضافة الموقع، وعدّ الزيارات (Analytics)، وتحديد المحافظة التقريبية من الإنترنت مالتك.
Resend — إرسال رمز تسجيل الدخول لبريدك.
مزوّد الدفع — صفحة الدفع نفسها.
Meta (فيسبوك وإنستغرام) — بكسل الإعلانات، حتى نعرف أي إعلان جاب لاعبين. هاي الوحيدة بالقائمة اللي اللعبة ما تحتاجها حتى تشتغل، وهي الوحيدة اللي تكدر تكتلها بنفسك (شوف «شنو نجمع» فوق).

شكد نحتفظ بيها

بيانات حسابك تبقى ما دام حسابك موجود. بيانات اللعب — اللي أصلاً ما مربوطة بيك — تبقى لأنها هي اللي تعاير صعوبة الأسئلة لكل اللاعبين.

حقوقك

راسلنا على support@haseera.app وتكدر تطلب: تشوف شنو عدنا عنك، أو تصحّحه، أو تحذف حسابك وكل بياناته. حذف الحساب يحذف الصفوف المرتبطة بيه.

الأطفال

اللعبة مناسبة للعائلة، بس الحساب مخصص لعمر 13 سنة فما فوق. ما نجمع بيانات من أصغر من هيك عن قصد؛ إذا تعتقد صار هيچي، راسلنا ونحذفها.

إذا تغيّرت هالصفحة

إذا تغيّر شي جوهري، نحدّث تاريخ «آخر تحديث» فوق. استمرارك باللعب بعد التحديث يعني موافقتك على النسخة الجديدة.

English summary

حصيرة (Haseera) is an Arabic trivia party game at haseera.app. This page is a summary; the Arabic text above is the governing version.

What we collect. If you sign in, we store your email address so your games and history follow you between devices. You can also play as a guest with no account at all. We record gameplay data — which question was shown, whether it was answered correctly, how long it took — to calibrate question difficulty. This gameplay data carries no user identifier; it is linked to a match, not to a person. Game progress is also kept in your browser's local storage on your own device.

What we do not collect. No device location, no camera, no microphone, no contacts, no photos — the site's own Permissions-Policy header blocks all of them at the browser level. We never see or store your card details; payment happens on the payment provider's own hosted page.

Roughly where a match is played. When a match starts we record the province and approximate town it started in — from the internet connection, never from your device's location — so we know where the game is being played and where it still needs to reach. It is approximate: mobile networks often resolve to the carrier's gateway, so a match in Basra can be counted as Baghdad. It is not attached to you: that record carries no name, no account, no device identifier and no IP address — only the place and the time, with nothing linking them to a person.

The one advertising tracker we do run. We use the Meta Pixel so we can tell which Facebook and Instagram ads actually brought players, and stop paying for the ones that do not. Stated plainly: it tells Meta that you visited this site, it stores a cookie called _fbp in your browser, and it does follow you to other sites — that is what an advertising pixel is for, and we would rather say so than describe it as improving your experience. It also tells Meta when a match starts, a checkout begins, and a purchase completes — including the amount, which is how we tell an ad that pays for itself from one that does not; some of that is sent from our server as well as from your browser, so an ad blocker does not leave us paying for results we cannot see. We do not send Meta your name, your email, your questions or your match results. You can turn it off in your Facebook or Instagram ad settings, or with any ad blocker, and the game works exactly the same without it. Apart from this one: no Google Analytics and no TikTok pixel.

What we count. We use Vercel Analytics to count visits, where they came from (for example a QR code or a social post), a handful of gameplay milestones — the game opened, a match started, the shop opened. That tool sets no cookies, uses no identifier that follows you between visits, and tracks you on no other site — the Meta Pixel described above is the one exception, and the only one. These figures carry no names, no email addresses, no questions, no answers and no scores. If you arrive through a campaign link or QR code, we keep that campaign label in your browser for 30 days so we can tell which advertising brought players — it identifies the CAMPAIGN, not you, and it expires on its own. When you start a match, that label reaches our server too, so we can tell which poster or QR code produced real play rather than only a visit — recorded with no name, no account, no device identifier and no IP address.

Our own counter. Alongside Vercel Analytics we run a counter of our own, on our own servers. For each event it stores the event name, the page (without any query string), the website you came from (the site name only, not the full link), your country, your device type, operating system and browser, and a code that changes every day. That code cannot be turned back into your IP address and is not linked to your account or your name, and we do not store the IP address itself. It sets no cookie, and every record is deleted after 90 days; only the daily totals stay, which are counts with no code in them.

Who we share with. Only the services that run the game: Supabase (database and sign-in), Vercel (hosting, plus visit counting — including how many seconds the game’s own loading took), Resend (the sign-in code email), our payment provider (checkout), and Meta (the advertising pixel above — the one service on this list that is not needed to run the game, and the one you can switch off). We do not sell data to anyone, for any purpose.

Your rights. Email us to see what we hold about you, correct it, or delete your account and its data. Deleting the account deletes the rows attached to it.

Children. The game is suitable for families, but an account is intended for someone 13 or older. We do not knowingly collect data from younger children; if you believe we have, email us and we will delete it.

Questions about this page: support@haseera.app